大門橫丁 (厚福街)

Open Now

Now Closed

同友人行尖沙咀，無揾定食邊間，所以去厚福街逛下，我地都唔想食米飯，所以就決定入去大門橫丁，因為講到明係主打串燒同手打烏冬！入去先知環境好狹窄，無咩空間。。。講下野食啦:特色燒茄子，好多蒜，少少香辣，唔錯！串燒牛舌，好厚切，略嫌咸左少少，但口感好正！荔枝豬腩肉卷，好清新，好甜，最啱食哂所有野之後食！燒雞皮蝦，超級推介，脆卜卜嘅外皮夾蝦肉，好好味呀！ 將雞皮代替蝦殼，絕對係懶人之選！燒三文魚鰭，加埋檸檬汁，啖啖油香，好味道！三重芝士焗野菜，可自選2款菜，友人揀左蘆筍同秀珍菇，比想像中細碟，不過真係好芝！橫丁沙嗲湯手打烏冬，有牛肉拼豬軟骨，個湯真係一流，好香花生味，d烏冬亦好煙韌彈牙！幾乎飲哂d湯！脆脆鱈魚片蟹子沙律手卷，友人極力推介，成個咬落去就係清新嘅味道！今日d單好似有d混亂，有幾枱客(包括我地)都漏單，職員唔算好有禮貌，不過食物質素好就無所謂啦！