火舞町 (Closed)

最近黃埔開咗間新嘅日式居酒屋主打各款鐵板燒同埋日式美食餐廳嘅裝潢以日式風格為主今次坐吧檯 可以睇住師傅整野食🔸虎蝦 $98虎蝦一份都係有兩隻，兩隻都好好肉，師傅起咗蝦肉切粒再連埋蝦膏一齊煎香，食落十分惹味！🔸深海鱈魚配洋蔥汁 $188擺盤好有心思，將煎到金黃香脆嘅魚板插喺深水鱈魚到，相當吸睛。鱈魚煎得好香，肉質嫩滑鮮甜，同秘製嘅洋蔥汁好夾🔸帶子 $88一碟有兩隻，師傅將帶子開邊煎，外層燒到有點焦脆，同時入面啱啱熟，食落滑溜彈牙🔸蠔 $88燒蠔一份有兩隻，兩隻都好大隻好肥美，呢到嘅蠔係將隻蠔起咗出嚟燒，所以成隻都燒到好香脆。🔸火舞棒 $58火舞棒係餐廳招牌名物，有多款口味選擇，我哋就揀咗原味、芝士味同蕃茄味。佢其實係棒狀嘅大板燒，淨係睇賣相都流哂口水。🔸日式炒麵 $88份量都幾多，麵條炒到乾身好正好彈牙，食落好有鑊氣，加埋餐廳嘅秘製醬汁炒，每條麵都掛到汁，相當出色！🔸明太子玉子燒 $98玉子燒燒得啱啱好，食落好滑溜。中間夾住明太子醬，夾起身仲有拉絲效果，真係好邪惡呀！