鮨千寿 (屯門市廣場1期) (Closed)

晚餐同閏蜜食呢間日式料理，其實我地午餐都係尖沙咀食左日式料理，但講真，2間比較起嚟，我情願食呢間😂我哋下午茶都食得飽，所以晚餐叫得唔多。首先叫左2件左口魚裙邊壽司，一客海膽魷魚卷，2串雞軟骨，2串芝士年糕煙肉卷，再叫多一次2件左口魚，額外一客河豚魚干🙈😂呢款真係好食，所以再叫多一次😂之前係出面試過食海膽，完成腥到爆，但今次真係食到好嘢，好好食，值得一推！講真，呢款芝士年糕煙肉卷真係好膩😏一件起，一件止，完全滯到爆🙈雞軟骨就一般啦。。。河豚干，我一向叫佢雞泡魚干，今次真係老貓燒鬚，想食所以叫左一客，點知好咸，不停灌茶😂不值一食，或者配酒會好夾既！2個人平均食左$211，都唔錯，可以再返轉頭！