Story Steak & Pasta (Closed)

最近發現左好多表現唔錯嘅黃店，呢間係我secrete list其中一間性價比高嘅西餐。南瓜湯味道濃厚，飲到南瓜味，用料充足，略略滑口。湯會跟蒜味包，蒜味夠濃又有牛油，加上包烘過，味道唔錯。至於帶子意粉味道唔錯，送上黎已經帶濃濃蒜味傳來，好吸引。意粉軟硬度適中，食落唔會因蒜味而搶走帶子味。加上煙肉條的咸香味令意粉味道更上一層樓。另外，主菜有牛肋骨配黑松露薯蓉，薯蓉食到薯粒，並非用粉開出黎，加上黑松露味道令薯蓉味道不單調。至於牛肋骨上枱時已經拆骨，啖啖肉，好貼心。牛肉頗入味又淋，唔會好韌。因為牛肉本身夠味，所以旁邊既汁都唔需要點。跟餐會包飲料一杯，我們點了熱檸水和熱檸茶，正正常常嘅熱飲。餐廳旁邊仲有自助海鮮bar, 眼見有青口，蝦，蟹...如果喜歡食海鮮既朋友不妨再加錢試下。基於今日我同友人太飽啦，所以試唔到。下次有機會會試下。最後，兩人埋單食了$346，以西餐黎講，價錢合理又食得飽。我地推薦朋友家人聚會或情侶聚餐都可以。