Video
Read full review
2022-10-05
19 views
放完紅日又返工總係Blue Blue day，一於去食好西解千愁🤪 係男朋友放工附近搵咗間門面好靚既日式餐廳，專食丼飯。我地各叫左一個丼，再加小食同飲品。丼飯既肉量有得揀大細份量，我哋梗係有大食大🤪啲丼飯賣相超靚！附送嘅麵豉湯唔似一般日本餐廳飲到嗰啲淡茂茂咁，而係好濃味既湯！慢煮頂級牛肉盛丼 200g （$118）餐廳用咗後比較瘦嘅部位，有埋蛋黃醬一啲都唔肥膩，唔肥膩得來食落去又好嫩口！好有質素！好似係日本食緊牛咁🤣 好對得住個價錢慢煮黑豚盛丼200g （$118）黑豚都係嫩得黎唔油，食落有啲似cold cut既Ham，當然係熱既同埋濃味版本。值得一讚嘅位係，一拎開啲肉，個飯仲係熱嘅，見到有煙出！撈埋啲蛋黃，好正！鹽燒三文魚頭（$58）好少地方有得食燒三文魚頭，亦都強烈建議帶一個識得拆骨嘅人去食🤣 因為識食，一個頭真係可以食到好多嘢，包括面珠燈、最少郁最滑既肉etc。鹽燒好好食👍🏻 餐廳仲好貼心咁俾咗骨碟。熱紫薯鮮奶 + 玫瑰荔枝梳打（ +$22跟餐，特飯+$18）兩杯飲品反而好有驚喜！因為丼飯本身都有一定期望，所以丼飯同預期一樣高質都無話好驚喜。而飲品本身諗住都係打卡用，估唔到咁好飲
放完紅日又返工總係Blue Blue day，一於去食好西解千愁🤪
係男朋友放工附近搵咗間門面好靚既日式餐廳，專食丼飯。我地各叫左一個丼，再加小食同飲品。
丼飯既肉量有得揀大細份量，我哋梗係有大食大🤪啲丼飯賣相超靚！附送嘅麵豉湯唔似一般日本餐廳飲到嗰啲淡茂茂咁，而係好濃味既湯！
慢煮頂級牛肉盛丼 200g （$118）
餐廳用咗後比較瘦嘅部位，有埋蛋黃醬一啲都唔肥膩，唔肥膩得來食落去又好嫩口！好有質素！好似係日本食緊牛咁🤣 好對得住個價錢
慢煮黑豚盛丼200g （$118）
黑豚都係嫩得黎唔油，食落有啲似cold cut既Ham，當然係熱既同埋濃味版本。值得一讚嘅位係，一拎開啲肉，個飯仲係熱嘅，見到有煙出！撈埋啲蛋黃，好正！
鹽燒三文魚頭（$58）
好少地方有得食燒三文魚頭，亦都強烈建議帶一個識得拆骨嘅人去食🤣 因為識食，一個頭真係可以食到好多嘢，包括面珠燈、最少郁最滑既肉etc。鹽燒好好食👍🏻 餐廳仲好貼心咁俾咗骨碟。
熱紫薯鮮奶 + 玫瑰荔枝梳打（ +$22跟餐，特飯+$18）
兩杯飲品反而好有驚喜！因為丼飯本身都有一定期望，所以丼飯同預期一樣高質都無話好驚喜。
而飲品本身諗住都係打卡用，估唔到咁好飲，紫薯打得好smooth，而兩杯飲品分別有荔枝肉/紫薯係底！好足料又好飲，打卡又靚，好值得試！
食好西食到超飽，一掃Blue心情🤪
Post
