Video
Read full review
2018-07-14
40 views
同朋友係佐敦搵食，發現逸東酒店入面原來有個food court! 有好多間好特別既餐廳選擇添，質素仲好似好好！而且food court環境都好靚，可能都係逸東酒店負責，所以裝修都好靚又新穎時尚。同平時去個d food court感覺有點不同！環境夠大夠多位，係度享受晚餐可以慢慢坐，仲設有梳化卡位添，好舒服！👍👍講番餐廳種類都好多，而我地經過呢間食越南菜既餐廳，嗅到陣陣既牛肉香味，見人食得好似好滋味咁！所以我地最後都選擇食呢間喇！！😻落單到送菜 都幾快，唔洗等好耐就食得！👍🐱我同朋友各自叫左碗河粉！我叫左：🐮特式牛湯河粉（normal size）🐮，見佢咩都有！唔洗煩😍可選擇河粉，金邊粉。亦有分正常size 定大size.normal size 都已經大大碗了！😀配料有：生牛肉，牛丸，牛腩邊，牛柏葉，牛坑腩片，牛筋片。都好多料！生牛肉🐂 好好味！😍有成4，5塊咁多。食落好嫩肉，好多牛味！😋手打牛丸粒粒都好彈牙，唔會話食落好實。而且牛味重有嚼口。唔錯！牛腩邊就比較多肉d再連少少脂肪，所以食落會更香牛味，都唔錯。牛柏葉唔會話大大舊，個size切到細細舊，容昜入口。食落都好爽口！😋講番個湯底，
而且food court環境都好靚，可能都係逸東酒店負責，所以裝修都好靚又新穎時尚。同平時去個d food court感覺有點不同！
環境夠大夠多位，係度享受晚餐可以慢慢坐，仲設有梳化卡位添，好舒服！👍👍
講番餐廳種類都好多，而我地經過呢間食越南菜既餐廳，嗅到陣陣既牛肉香味，見人食得好似好滋味咁！
所以我地最後都選擇食呢間喇！！😻
落單到送菜 都幾快，唔洗等好耐就食得！👍🐱
我同朋友各自叫左碗河粉！
我叫左：🐮特式牛湯河粉（normal size）🐮，見佢咩都有！唔洗煩😍
可選擇河粉，金邊粉。亦有分正常size 定大size.
normal size 都已經大大碗了！😀
配料有：生牛肉，牛丸，牛腩邊，牛柏葉，牛坑腩片，牛筋片。都好多料！
生牛肉🐂 好好味！😍有成4，5塊咁多。食落好嫩肉，好多牛味！😋
手打牛丸粒粒都好彈牙，唔會話食落好實。而且牛味重有嚼口。唔錯！
牛腩邊就比較多肉d再連少少脂肪，所以食落會更香牛味，都唔錯。
牛柏葉唔會話大大舊，個size切到細細舊，容昜入口。食落都好爽口！😋
講番個湯底，真係好出色！佢個牛肉味好重好夠濃，唔係淡淡的！將d調味香料倒哂落個湯到，有d紅椒浸住湯底到，令到個湯有d辣味，好惹味好香！！👍💥
朋友就叫左個 ：特色雞絲湯河粉🐔
又係好多配料：有雞絲，貢丸，鵪春蛋。
個湯底以為同牛河一樣味，點知食落唔同。
仲覺得呢個湯底更好味，味道有鮮甜味。再加上有d辣味，更加好味！
食得太多肉，叫左碟 素菜米紙卷🤣平衡一下，無咁邪惡！
大大件米纸卷，好多既蔬菜，蘿白絲，米線包埋。
點少少酸辣醬，食落口感太飽滿！
蔬菜好清新，酸酸辣辣又幾開胃。😉😉
Post
