Video
Read full review
2019-04-01
23 views
屯門嘅虹橋有比較多甜品店，今晚我地就去咗呢一間叫愛添Appetite嘅甜品店，聽聞店主係台灣人，所有見到餐牌都有一啲台灣小食，例如台灣腸，手抓餅，竽圓等等。但係嚟到呢度一定要試主打嘅甜品，就係梳乎厘喇！我哋試咗兩款梳乎厘，第一款係Creme Brulee 梳乎厘，兩件大大件嘅梳乎厘表面都有脆卜卜嘅焦糖，食落有唔同嘅口感，而雪糕我哋就揀咗海鹽味道配奶蓋：第二款我哋就點左Oreo芝士蛋糕朱古力流心梳乎厘，配Cookies & Cream 雪糕，朱古力味非常濃郁：除咗梳乎厘之外，我哋亦點左兩客窩夫，第一款係珍珠奶茶窩夫，呢個簡直係奶茶控嘅最愛，除咗佢面頭係奶茶醬之外，成個窩夫都充滿着奶茶香味，仲有珍珠同埋竽圓伴碟，再加埋奶茶味嘅雪糕，成個甜品都好奶茶呀：如果餐牌上面嘅窩夫都唔啱你心水嘅話，呢度仲可以自選窩夫㗎，可以揀窩夫嘅味道，奶油味道，配料，同埋雪糕嘅味道，咁就一定可以揀到一個啱你食嘅窩夫啦，所以我哋都揀咗一個自選口味嘅窩夫，以下呢個就係麻薯窩夫，配紅豆小丸子，成個窩夫都煙煙un un，正：除咗甜品之外，我哋亦點左唔同嘅飲品，呢度嘅甜品好抵飲呀，大大杯，味道好之外，價錢亦都好抵，推介呢款碟
我哋試咗兩款梳乎厘，第一款係Creme Brulee 梳乎厘，兩件大大件嘅梳乎厘表面都有脆卜卜嘅焦糖，食落有唔同嘅口感，而雪糕我哋就揀咗海鹽味道配奶蓋：
第二款我哋就點左Oreo芝士蛋糕朱古力流心梳乎厘，配Cookies & Cream 雪糕，朱古力味非常濃郁：
除咗梳乎厘之外，我哋亦點左兩客窩夫，第一款係珍珠奶茶窩夫，呢個簡直係奶茶控嘅最愛，除咗佢面頭係奶茶醬之外，成個窩夫都充滿着奶茶香味，仲有珍珠同埋竽圓伴碟，再加埋奶茶味嘅雪糕，成個甜品都好奶茶呀：
如果餐牌上面嘅窩夫都唔啱你心水嘅話，呢度仲可以自選窩夫㗎，可以揀窩夫嘅味道，奶油味道，配料，同埋雪糕嘅味道，咁就一定可以揀到一個啱你食嘅窩夫啦，所以我哋都揀咗一個自選口味嘅窩夫，以下呢個就係麻薯窩夫，配紅豆小丸子，成個窩夫都煙煙un un，正：
除咗甜品之外，我哋亦點左唔同嘅飲品，呢度嘅甜品好抵飲呀，大大杯，味道好之外，價錢亦都好抵，推介呢款碟豆花玫瑰荔枝梳打，每一啖都充斥着玫瑰嘅香味，而且賣相非常之討，好童話feel嘅漸變色：
另外仲有水果茶，茶味濃郁：
呢一款起司奶蓋四季春，表面有厚厚嘅奶蓋，配埋四季春淡淡茶香，一濃一淡：
另一款推介嘅飲品就係愛芒芝芝，奶蓋嘅味道做得十分出色，芒果沙冰味道非常之清新，仲可以飲到新鮮芒果肉：
除咗甜品之外，其實呢度都有好多咸點㗎，我哋叫咗一客綜合台灣香腸，包括原味，香蒜味同埋墨魚味，熱辣辣，味道香濃，而且入口份量適中，每一件都可以一口食到，方便女士：
最後我哋仲點左一客酥炸豬扒麵，佢嘅豬扒同麵係分開上嘅，咁就唔會令到豬扒變淋喇，呢度嘅麵配上榨菜，湯底微辣，會越食越開胃呢：
整體黎講，我覺得呢一間愛添甜品店價格相宜，CP值非常之高，係值得encore嘅一間甜品店呀！
Post
