Video
Read full review
2015-11-02
1866 views
咁啱要行一行去荔枝角搵朋友，順便入個地方快食個靚飯。行過呢間名叫「苡喬餐廳」，當我倆仲諗緊個名解作乜之際，原來同英文「E.Q Restaurant」perfectly match！門面似茶記嘅格調，但入面又有類似中檔餐廳嘅佈局，引起咗小妹同朋友嘅興趣一於入去試試佢。入到去，見到所有座位都有厚身座墊，連餐枱都有鋪塊袋喺面，環境感覺係比普通茶記係稍為舒服。由於食午餐嘅關係，基本上係一塊「午市套餐」牌通天下，一望餐牌，二話不說就叫咗「雙重芝士焗鮮茄豬頸肉飯」，而小妹朋友就叫咗「鮮茄豚肉丸天使麵」。（編按：餐牌會日日轉款，相中餐牌同唔係食個日有少少出入）主食未到，先上餐湯。我倆叫咗一紅一白，事後小編眼見朋友叫嘅羅宋湯原來好足料，湯裡成碗都係豐富雜菜，早知都跟埋一齊叫紅湯。跟著「鮮茄豚肉丸天使麵」先上，幾粒豚肉丸伴隨著中間塔狀嘅天使麵，鋪上帶點茄肉嘅茄汁，望落個感覺幾Fresh。上面仲有少少沙律菜做點綴，淨係睇賣相都有少少喜出望外。食落口，茄汁夠開胃，天使麵亦煮得唔會有太「淋」，keep番應有嘅硬度同咬口，唯獨是肉丸稍為覺得煮得過熟，乾咗少少，唔夠Juicy。隨後小妹嘅「雙重芝士焗鮮茄豬頸肉飯」
門面似茶記嘅格調，但入面又有類似中檔餐廳嘅佈局，引起咗小妹同朋友嘅興趣一於入去試試佢。
入到去，見到所有座位都有厚身座墊，連餐枱都有鋪塊袋喺面，環境感覺係比普通茶記係稍為舒服。由於食午餐嘅關係，基本上係一塊「午市套餐」牌通天下，一望餐牌，二話不說就叫咗「雙重芝士焗鮮茄豬頸肉飯」，而小妹朋友就叫咗「鮮茄豚肉丸天使麵」。（編按：餐牌會日日轉款，相中餐牌同唔係食個日有少少出入）
主食未到，先上餐湯。我倆叫咗一紅一白，事後小編眼見朋友叫嘅羅宋湯原來好足料，湯裡成碗都係豐富雜菜，早知都跟埋一齊叫紅湯。跟著「鮮茄豚肉丸天使麵」先上，幾粒豚肉丸伴隨著中間塔狀嘅天使麵，鋪上帶點茄肉嘅茄汁，望落個感覺幾Fresh。上面仲有少少沙律菜做點綴，淨係睇賣相都有少少喜出望外。食落口，茄汁夠開胃，天使麵亦煮得唔會有太「淋」，keep番應有嘅硬度同咬口，唯獨是肉丸稍為覺得煮得過熟，乾咗少少，唔夠Juicy。
隨後小妹嘅「雙重芝士焗鮮茄豬頸肉飯」亦登場了。個飯嘅主角係面個浸真係成塊嘢「畢」得出嚟嘅芝士蓉，雖然芝士已經焗熟至四散平均分佈，但因為落足料嘅關係仍然可以成塊起上黎！芝士味夠出眾，濃郁得嚟亦食得出絲絲幼滑。鮮茄方面則食到幾小片蕃茄片，以蕃茄作為配角以言不過不失。至於豬頸肉，本身係煮得入味，亦夠熟，唯欠缺一點肉汁，及有啲俾芝士嘅強烈味道蓋過咗，不過厚度同份量亦冇刻意偷工減料。總括而言，四五十蚊嘢，水準之上，值得一試！
Post
