Hit the Road (Closed)

是日與好友相聚，想搵個落腳點飲杯嘢傾下偈，經好友推薦下，嚟左呢間Hit the Road位置唔算難搵，位於繁忙街道旁的小巷中，感覺就十足十一個鬧市中嘅安樂窩咁場內雖然坐滿客人，但唔覺嘈吵，小小背景音樂更令人感到份外舒適（因為店內比較淺窄，加上每桌都坐滿了客人，實在不好意思大肆拍照下次有機會再影相比大家睇，環境確係唔錯的！）我地一行三人，叫咗3杯嘢飲^^因為只求一個舒適地方閒聊一番，所以就冇特別挑剔啲咩。第一杯係《American Class》(HKD$44)，由oreo餅碎、香蕉、奶、乳酪等組成，主要味道以香蕉奶味為主，味道新鮮，夾雜oreo更可消去milkshake的滯胃口感，就算係平時唔鐘意香蕉口味嘅筆者都覺得好好飲，呢杯值得一試友人叫左一杯《Lemon Water》(HKD$30)，一杯普通嘅熱檸水要$30當然算係貴啦，但係考慮到我地當時只係需要一個舒服方便嘅地方打發時間，而友人又想飲熱檸水，所以就冇多作計較。而且，出奇地，檸水之中嘅檸檬比街外嘅大塊，唔知個檸檬到底有幾大呢因為咁樣，令我地觀感上都冇咁肉赤最後係另一位友人所點嘅《Cappuccino》(HKD$40)，拉花非常精美