Video
Read full review
2015-06-19
2173 views
講起樓上cafe，大家隨口都可以講出一堆名字，呢個主打厚吐司、果個係以旅遊為主題，係旺角是但走上一幢商業大廈都總有間cafe。但來到尖沙咀卻有所不同，雖然食肆不比旺角少，但要揾間cafe卻是難度十足。今日選址為於尖沙北京道既樂園，初初以為係整蠱同事，揀間食魚蛋河既餐廳食生日飯，但原來並唔係咁，呢到係一間一站式的cafe。大家除了可以上黎飲野hae住等朋友外，更可以book場搞party，慶祝生日之類。我地一行七人，梗係點番個7人餐，唔洗左度右度，可以即刻玩board game輕鬆下啦。呢度有一大個櫃，全部塞滿哂board game, 淨係揀game都簡左成個字。玩左一陣就上餸啦，首先上既係頭盤沙律，有豆腐有松子仁同沙律菜，加上芝麻醬，沙律菜夠哂凍又fresh，食完成個人涼哂。跟住上就係小食，有吉列蠔、芝士豬肉釀雞翼、餃子、炸魚手指及芝士焗青口。以上咁多款我就最中意食雞翼同蠔。吉列蠔外脆內軟，食既時候蠔仲有汁流出，而且不會有怪味，幾好。雞翼內釀滿豬肉及芝士，上面再灑上芝士粉，簡直係雙重口感。之後主菜出場！我地點左多國腸、安格斯肉眼扒同埋鵝肝意大利飯。其實咁多隻腸入面只係識脆皮場及芝士腸，
今日選址為於尖沙北京道既樂園，初初以為係整蠱同事，揀間食魚蛋河既餐廳食生日飯，但原來並唔係咁，呢到係一間一站式的cafe。大家除了可以上黎飲野hae住等朋友外，更可以book場搞party，慶祝生日之類。
我地一行七人，梗係點番個7人餐，唔洗左度右度，可以即刻玩board game輕鬆下啦。呢度有一大個櫃，全部塞滿哂board game, 淨係揀game都簡左成個字。
玩左一陣就上餸啦，首先上既係頭盤沙律，有豆腐有松子仁同沙律菜，加上芝麻醬，沙律菜夠哂凍又fresh，食完成個人涼哂。
跟住上就係小食，有吉列蠔、芝士豬肉釀雞翼、餃子、炸魚手指及芝士焗青口。以上咁多款我就最中意食雞翼同蠔。吉列蠔外脆內軟，食既時候蠔仲有汁流出，而且不會有怪味，幾好。雞翼內釀滿豬肉及芝士，上面再灑上芝士粉，簡直係雙重口感。
之後主菜出場！我地點左多國腸、安格斯肉眼扒同埋鵝肝意大利飯。其實咁多隻腸入面只係識脆皮場及芝士腸，由於我對香草麻麻，所以都唔係好敢食其他腸。推介安格斯肉眼扒，煎得啱啱好，少少熟，肉及筋比例剛好，我就中意食有肥膏位，一咬落去既時候啲牛油走哂出黎，係個口度「浪浪下」，我恨不得成場牛扒食左去！而意大利飯都幾好味，不過好似多左少少油。
最後令人最期待既怪獸雪糕終於出場啦！店員命幫我地影番張即影即有，然後送張咭比生日果位留念。
實物睇個怪獸雪糕真係勁勁勁大個！呢間餐廳真係好揼本！上面應該有7個球，下面再有棉花糖、香蕉、士多啤梨、可可脆片等等，我地博命食博命食，真係好大個，我地完全食唔哂⋯⋯
Post
