Video
Read full review
2023-10-25
13 views
餐廳位於油麻地高氏大廈，之前嚟過大廈入面好幾間樓上cafe，所以對呢度一d都唔陌生，但原來有呢間與別不同專做fine dining的西餐廳。餐廳裝修及格局好有情調，帶點英式復古風味，暗暗的燈光加上柔揚音樂，環境寧靜，好適合情侶拍拖或同朋友傾計用餐。❇️🦪特選愛爾蘭生蠔試食價 $50 /兩隻，肉質鮮甜，食落口感順滑，海水味重。（試食後如想添加：$268/半打、$468/一打）❇️小食：魚乾入口唔會好乾好硬，有啖啖鮮味亦帶點焦香，配合特製醬汁點嚟食，不自覺咁食唔停❇️頭盤：哈密瓜火腿配有機菜哈密瓜清新爽脆，配合帶有鹹香的巴馬火腿一齊食味道好夾。火腿上加上金箔，令整個頭盤提升高貴感覺。伴碟的有機菜加入油醋汁，新鮮醒胃。❇️餐湯：松露蘑菇湯上枱時已經聞到好香的蘑菇味，入口啖啖蘑菇蓉，同時亦有松露味道，口感濃郁creamy，好飲！❇️椰菜花海鮮湯初時以為係忌廉湯，但飲到有海鮮的鮮味，再望清楚餐牌發現原來真係海鮮湯！味道比平時飲開的忌廉湯較為清新又唔會好漿口，我比較喜歡呢種味道！❇️主菜：慢煮黑豚梅扒配威士忌黑魚子奶油汁黑豚梅扒外皮煮得香亦帶少少脆，內裡肉質好嫩滑軟淋，而且好入味，配搭兩款特製醬汁，帶有少少酒
餐廳裝修及格局好有情調，帶點英式復古風味，暗暗的燈光加上柔揚音樂，環境寧靜，好適合情侶拍拖或同朋友傾計用餐。
❇️🦪特選愛爾蘭生蠔試食價 $50 /兩隻，肉質鮮甜，食落口感順滑，海水味重。（試食後如想添加：$268/半打、$468/一打）
❇️小食：魚乾入口唔會好乾好硬，有啖啖鮮味亦帶點焦香，配合特製醬汁點嚟食，不自覺咁食唔停
❇️頭盤：哈密瓜火腿配有機菜哈密瓜清新爽脆，配合帶有鹹香的巴馬火腿一齊食味道好夾。火腿上加上金箔，令整個頭盤提升高貴感覺。伴碟的有機菜加入油醋汁，新鮮醒胃。
❇️餐湯：松露蘑菇湯上枱時已經聞到好香的蘑菇味，入口啖啖蘑菇蓉，同時亦有松露味道，口感濃郁creamy，好飲！
❇️椰菜花海鮮湯
初時以為係忌廉湯，但飲到有海鮮的鮮味，再望清楚餐牌發現原來真係海鮮湯！味道比平時飲開的忌廉湯較為清新又唔會好漿口，我比較喜歡呢種味道！
❇️主菜：慢煮黑豚梅扒配威士忌黑魚子奶油汁黑豚梅扒外皮煮得香亦帶少少脆，內裡肉質好嫩滑軟淋，而且好入味，配搭兩款特製醬汁，帶有少少酒香，令肉味層次提升。😋
❇️卡邦尼意粉
呢款卡邦尼意粉同平時食開的唔同，醬汁並唔係一般的白汁，而係用上蛋黃同芝士，入口味道香濃但唔會滿口醬汁咁好油膩，意粉煮得恰到好處，上面舖有蘑菇片及煙肉粒，側邊再淋上日本蛋黃汁，賣相都好靚👍🏻
❇️甜品：火龍果啫喱每一啖都充滿火龍果香味，味道清甜，啫喱口感滑順，上面再舖咗銀箔，亦令甜品增加高貴感覺。
❇️餐飲：熱咖啡及白桃梳打
餐廳無論環境、食物質素以致擺盤都充滿誠意及用心製作，以Fine dinning來講價錢亦唔貴，值得推薦！
Post
