金牌小龍 (Closed)

天氣嚴熱，周圍搵野食都幾辛苦，然而尖咀I-square 系地鐵直上，一路有冷氣，很方便。長電梯直上就到左3樓平台，朋友提議試下金牌小龍。悠閒風設計，木顏色主色調柔和舒適，餐廳面積都幾闊。點菜紙相當方便，睇中食咩就划d咩。另外要留意，有d季節性食材冇。朋友鐘意食魚，我地點左豉汁蒸黃花魚，魚肉嫩滑爽口，入味很飽滿，豉汁味咸香送飯，抵食。台式滷肉飯，份量滿足，滷肉粒不算太肥。肉鬆皮蛋豆腐，很開胃，豆腐爽滑，肉鬆口感好好，這道涼菜一直糸我的最愛，好岩夏天食。四喜烤麩，呢款小食不要錯過， 佢系上海特色小食，屬於麵筋的一種，高蛋白質，口感鬆軟有彈性，香香甜甜。台灣米糕，都相當特色，似糯米飯，內有香菇粒，份量也很滿足。油麥菜脆爽多汁，新鮮，口感不錯。