Archie B's (Closed)

種種跡象看來，呢度同隔離Taco Loco應有D關連，因為兩間舖都用街市賣蛋的紅或藍膠籃盛載食物，不過呢邊就多用方形，隔離就多用圓形，唔好以為佢阿茂整餅，在外國食炸魚薯條都用過膠籃的。賣的是三文治及漢堡包，種類雖然不太多，但感覺是幾地道的，食物的名字亦改得有趣。有次吃Firehouse Chili Burger，真係幾辣的，雖然味道好「tabasco」，但都幾特別。還有吃過號稱「Street Dog」的長熱狗，味道是不及外國地方的街頭熱狗，分別是在於香腸，但配上秘製醬汁都唔錯，起碼食完好飽。各式漢堡包同三文治都會有炸薯條打底，但唔使慌食唔飽，味道過得去。除左茄汁同芥辣，仲有白醋可以點薯條，貫徹外國風味。價錢比一般快餐店的貴好多，消防局Chili Burger就要60蚊，熱狗都好似要三十幾蚊，當然份量又有番咁上下。如果有人請的話都好想試下佢地個漢堡包皇Double-Double，睇下點解賣一舊水咁巴閉。