Video
Read full review
2019-07-12
1357 views
如果一家人想搵個環境舒適嘅素菜館食晚飯，大自然素食必定係我嘅首選。餐廳位於黃金廣場8樓，對於不太熟悉銅鑼灣嘅屋企人而言位置都算易找。餐廳好寬敞，裝潢係中式茶樓，感覺就係一家人共聚天倫嘅好地方。菜式方面更係好多樣化，日式嘅有刺身、壽司；中式嘅就按住豬、牛、海鮮、飯麵等作出分類，另外有期間限定嘅menu，有pizza、焗飯等，真係花多眼亂望住menu上面寫住好多著名中菜例如：咕嚕肉、片皮鴨、沙拉骨同糖醋排骨等，好難想像素食版本嘅佢地會係咩味道先黎一份三文魚壽司🍣，賣相好精美，做出三文魚嘅條紋，立下眼真係幾可亂真。旁邊嘅壽司薑同wasabi令成個感覺更像真媽咪仲好好笑咁話：「啲wasabi係真架！」金錢扒西蘭花金錢扒用嘅係猴頭菇，係好多素菜都不難見到佢嘅蹤影。猴頭菇索晒啲醬汁，黑椒味濃，配埋西蘭花食可以中和咸味，西蘭花爽口，煮得岩岩好。 呢個係店員推介嘅黑松露牛油果醬炒飯，可以見到飯粒鋪滿黑松露，好重手，聞落好香黑松露味。牛油果熟度剛好🥑，咬落好creamy，咁嘅配搭都係第一次試，估唔到咁夾。炒飯功力好，炒到粒粒分明，好有鑊氣又一道素菜常見嘅芋頭魚，新鮮即炸，一切落去卜卜聲，皮薄得黎好脆，好
餐廳位於黃金廣場8樓，對於不太熟悉銅鑼灣嘅屋企人而言位置都算易找。餐廳好寬敞，裝潢係中式茶樓，感覺就係一家人共聚天倫嘅好地方。
菜式方面更係好多樣化，日式嘅有刺身、壽司；中式嘅就按住豬、牛、海鮮、飯麵等作出分類，另外有期間限定嘅menu，有pizza、焗飯等，真係花多眼亂
望住menu上面寫住好多著名中菜例如：咕嚕肉、片皮鴨、沙拉骨同糖醋排骨等，好難想像素食版本嘅佢地會係咩味道
三文魚壽司
98 views
1 likes
0 comments
先黎一份三文魚壽司🍣，賣相好精美，做出三文魚嘅條紋，立下眼真係幾可亂真。旁邊嘅壽司薑同wasabi令成個感覺更像真媽咪仲好好笑咁話：「啲wasabi係真架！」
金錢扒西蘭花
金錢扒用嘅係猴頭菇，係好多素菜都不難見到佢嘅蹤影。猴頭菇索晒啲醬汁，黑椒味濃，配埋西蘭花食可以中和咸味，西蘭花爽口，煮得岩岩好。
黑松露牛油果醬炒飯
59 views
0 likes
0 comments
呢個係店員推介嘅黑松露牛油果醬炒飯，可以見到飯粒鋪滿黑松露，好重手，聞落好香黑松露味。牛油果熟度剛好🥑，咬落好creamy，咁嘅配搭都係第一次試，估唔到咁夾。炒飯功力好，炒到粒粒分明，好有鑊氣
芋頭魚
70 views
0 likes
0 comments
又一道素菜常見嘅芋頭魚，新鮮即炸，一切落去卜卜聲，皮薄得黎好脆，好鬆化，唔油膩，內裡嘅芋頭蓉好香滑，配埋酸酸甜甜嘅醬汁點嚟食更佳。
黃金南瓜大蝦
62 views
0 likes
0 comments
到我最喜愛嘅菜式—黃金南瓜大蝦🍤
大蝦炸到好酥脆，表面嘅黃金皮充滿鹹蛋黃香，略嫌炸粉厚左少少。
素蝦肉好彈牙，同平時食嘅魚蛋差唔多口感，隻隻黃金蝦都好大舊，好足料
北京片皮鴨
59 views
0 likes
0 comments
哩碟片皮鴨好鬼馬，賣相好似真肉，配料有青瓜絲同西芹絲，當然唔少得海鮮醬，完美還原番真片皮鴨鴨片脆卜卜，素鴨肉好處係冇咗蘇味，其實間唔中食下素菜對身體都有益。
片皮鴨
41 views
0 likes
0 comments
當我地已經食到好飽，點知原來仲附送每人一碗糖水。南瓜西米露暖暖的，好清甜，為我地成餐飯畫上完滿嘅句號。
Post
