百事吉餅店 (Closed)

心血來潮...特登去灣仔百事吉買曲奇16:XX 到達...唔係繁忙時段...可以慢慢揀...$48 / 磅 6-7款$24 /半磅 2款 朱古力菊花﹕朱古力同曲奇既比例平均，成舊曲奇好鬆化 咖啡切片曲奇﹕咖啡既味道唔夠濃，但脆度啱啱好 杏仁切片曲奇﹕杏仁片算多，每咬一啖都有杏仁，脆度好好唔會硬 牛油擠花﹕好香、好鬆化、食多幾塊都唔會乾 咖啡擠花﹕好香濃咖啡味，一打開就會「聞」到... 格子曲奇﹕SIZE好似「的骰」左，唔係好食到「可可」個部分服務﹕入到去店員好主動，可能無咩客...所以揀款揀耐少少都OK。我買一磅半分兩袋，半磅個包店員都比我揀三款...保持高水準...係平價既選擇，仲有好多味道可以選擇，食得多JENNY BAKERY，都可以有多一個OPTION唔覺唔覺已經食左半包LU...