聚福樓 (Closed)

餐廳既佈置好有特色 感覺自己置身起森林入面 全因餐廳入面用左好多植物作為佈置☘️🌿 先睇下餐牌揀選菜色既期間 發現左d菜色名都超級有趣 之後發現原來係用左材料既諧音去改名！首先等地叫左甜蜜蜜都走左雞同蝦🍤🍗食落先知原本係有炸雞、炸蝦同埋炸番薯條炸雞外皮酥脆入面多汁鮮嫩 欣賞佢炸得好乾身唔會好多油 而炸蝦大隻得黎 炸粉都唔會好厚 係真正可以食到炸蝦嘅爽口彈牙 完全令人食唔停口！炸番薯條亦都好特別 有別於平時食到嘅薯條 感覺好新奇 而且因為落咗蜜糖甜甜地好特別！之後亦都要推介另一道叫菇唔到水餃王有機會到意大利 🇮🇹係用左黑松露醬去做意大利飯既醬汁 加埋芝士係有拉絲既效果😍飯既下面係有一隻大啡菇 切開再加埋意大利飯一齊食口感好好呀 旁邊仲有好多意大利餃圍住 係一次過可以試到幾樣野！意大利餃既餡料豐富 每一隻都帳卜卜 同黑松露醬汁超夾呀我仲叫左玫瑰咖啡拿鐵🌹成杯係粉紅色架好靚呀 上面仲有好多個心形既拉花😍飲落淡淡玫瑰香味伴隨住香滑既奶