Cafe Whale

Open Now

Now Closed

已經有好多人叫我一定要試呢一間西灣河小店嘅魚湯烏冬，今日終於試到。見到佢白雪雪嘅魚湯已經知佢有料到，而且因為都仲係熱辣辣，所以聞到D魚嘅香味，我梗係先飲個湯啦，一入口覺得佢幾滑，應該係好次嗰D400次咖啡咁打咗泡。魚湯烏冬有兩款，一款有花膠魚肚，另一款就係普通版，我叫咗普通版，入面有魚蛋魚片同菜，當然有烏冬啦。個魚湯真係好鮮味好好飲，我成碗飲晒。另外叫咗兩個小食，一個係吉列炸蠔，另一個係冰鎮花鵰鮑魚，兩款都好食。吉列炸蠔都幾鬆脆，旁邊D沙律菜都幾新鮮。花鵰鮑魚都整得幾入味，清甜清爽，係夏天唔錯嘅小食。