海景海鮮酒家

Open Now

Now Closed

每逢假期前夕，最鐘意就係叫齊朋友落去鯉魚門到大食一場，我地揀左海景海鮮酒家，而今次我地都比較多人，叫左好多野食。首先黎講象拔蚌刺生，一啖落去，夠曬鮮味又鮮甜，好難得食到咁新鮮既象拔蚌。鼓椒炒聖子，聖子夠新鮮，用鼓椒黎炒，夠曬惹味。燒汁焗蠔，呢個真係好食到不得了，一咬落去，d蠔既鮮甜出曬黎，再加上用錫紙包住拎去焗，果個味道到宜家都忘不了。清蒸鮑魚，新鮮，清蒸可以好好咁食到鮑魚既鮮，同埋蒸完再落蒸魚鼓油，個味道岩岩好。西芹炒頭腩，炒得幾乾身，都唔錯咕嚕肉，炸得幾好食上湯菜心鹽焗奄仔蟹，蟹夠大隻，雖然話係鹽焗，但識食既都知道好食既鹽焗係調到蟹既鮮甜味出黎，岩岩好