Asiri

Open Now

Now Closed

咖哩飯就食得多，湯咖哩就真係比較少見。呢間Asiri主打日式咖喱料理，最多人食既一定係佢既湯咖哩🤩有六款唔同既配料可以揀。另外見到隔離枱叫左吉列豬扒咖哩飯，都好吸引，下次都想試下。 1⃣️雞脾湯咖哩（$118） Lunch set跟沙律、湯、飯、飲品。佢地既薯仔沙律好好食😳食到粒粒薯仔粒，仲有啲沙律醬同埋生菜～個湯都好正，個樣望落清清地咁，但係飲落係好香雞湯味！飲品揀左青蘋果茶，都唔錯。  湯咖哩本身以為會好淡味，但係原來食落好香😍不過啲湯就好似有啲少。有好多蔬菜，有西蘭花、薯仔、紅蘿蔔、秋葵、茄子等等。雞脾大大隻，好容易就做到骨肉分離，食起上黎好方便。跟住店家既食法，先飲一啖湯，然後再試下畢一羹飯點個湯食，最後食到差唔多將啲飯倒曬落個湯到好似泡飯咁食。  2⃣️炸魚柳湯咖哩（$118）湯咖哩基本配料係一樣既，炸魚柳就係另外放係飯上面，唔會浸淋佢。魚柳係切開左兩件既，炸得幾脆，不過就比較薄，冇乜特別，會推介雞脾多啲。