炭家 (Closed)

朋友好中意搵D特別的餐廳同我去食，今次就黎到呢間位於中環既日本餐廳，佢地的鰻魚好出名，令我有種去左日本食鰻魚的感覺。白燒鰻魚串，炭燒的鰻魚，調味料只用上鹽，鰻魚爽口彈牙，味道鮮甜。雞翼，佢地的雞翼係雞全翼，鹽份剛剛好，雞皮燒到脆身，雞肉嫩滑juicy。雞腿，用上黑椒和鹽調味，雞肉嫩滑，咬落去都幾多雞汁。豚肉角煮，豚肉雖然肥美，但食落一D都唔會覺得油膩。豚肉煮得好腍，仲有蘿蔔、冬菇同埋蘆筍，全部都吸收了湯的味道，好美味。洋蔥，燒洋蔥上面有木魚碎，食落洋蔥清甜，加上洋蔥的醬汁是酸味味的，好開胃。鰻魚重定食，這個定食好有日本的感覺，首先前菜係鰻魚凍，口感特別。茶碗蒸口感幼滑，入面竟然有鰻魚肉，好驚喜。而鰻魚飯用上日式便當盒盛裝，飯的上面有蛋絲，上面係蒲燒鰻魚，鰻魚大大條，上面搽滿鰻魚汁，味道好香，好正。