野郎 Stone x 鰻工房 (Closed)

今日去咗銅鑼灣渣甸坊野朗Stone 鰻工房，地點有少少難搵，但係人氣一啲都唔小。朋友叫咗個原條蒲燒鰻魚丼，加$30就可以轉套餐，有溫泉蛋，鹹菜，鰻魚肝白貝湯同玄米茶。三大條燒鰻魚，好有份量，唔太乾，啱啱好。白飯上面加左蛋同紫菜，成個套餐營養均衡又豐富， 唔同材料配合，令到賣相好吸引。我叫咗咖喱漢堡溫泉蛋飯，呢個價錢咁大個餐，超抵食。好鍾意佢嘅咖哩夠溫和，唔太鹹。漢堡又大又厚，送飯感覺唔肥膩。而我最鍾意就係用溫泉蛋撈飯，感覺好似去咗日本咁。