炭家 (Closed)

歌賦街既炭家，幾有日本情調！店員親切有禮，炭家主打日本串燒，即叫即燒，新鮮熱辣！雞胸肉紫蘇卷，雞肉札實，燒得幾香！內層帶有紫蘇，更添清香感覺。鰻魚肝串，比較罕有既串燒，味幾重！燒到熱辣辣幾香，帶有甘香之感覺，白燒鰻魚串，脆卜卜好脆身，肉質夠嫩滑，唔使多加調味都好正。師傅手勢 拿捏時間恰到好處，剛中帶柔。讚！鰻魚重蒲燒， 賣相靚靚，大大條蒲燒鰻魚覆蓋曬成個飯， 再加山椒粉更帶出鰻魚鮮香，汁醬唔會太甜太膩！幾出色。