Video
Read full review
2015-12-08
2255 views
記得今年5月份嚟過九重鮮食蒸海鮮塔，首次接觸，印象難忘，因為唔單單震撼嘅九層塔 ，更因幾百蚊就食到多款海鮮，做法以海鮮嘅原味及鮮味先入為主，實在好食，其後有介紹俾朋友都話無介紹錯。事隔半年再嚟，一樣盡嚐海鮮真味 。我諗環境都唔多講，上次食評都有描述，雖然店子開咗大半年，今晚到訪雖然喺閒日，一樣大收旺場，足見其實力及受歡迎度。餐牌睇落無乜點變，都喺3款選擇：釜山、首爾、濟州塔，每款都已經包括10款或以上海鮮及多款蔬菜，不過，粥底就加多咗兩款：魚湯及泡菜湯。此外，價錢亦明顯調整咗！九層塔嚟到，都要等大概20分鐘先有得食，睇住塔頂個溫度計慢慢升溫，就期待即蒸原味海鮮就快「出籠」。 韓式前菜 趁個海鮮塔仲蒸緊，先食住啲韓式前菜：大豆芽、芝麻白菜仔、醋醃蘿蔔及韓式泡菜，而今回就無咗啲薯仔。蘿蔔酸爽清新，最易令人開胃，泡菜辛辣入味，都唔錯喎！ 第一層：蟶子、象仔蚌（伴車厘茄、節瓜） 因為唔喺第一次食，當然唔及第一次咁驚喜啦，不過，同行友人就喺第一次，所以，佢就萬分雀躍。蟶子及象仔蚌兩者入口都爽口鮮甜，確實好鮮味，所以，無沾點任何真醬料，務求嗒出海鮮原味。 第二層：元貝 大
我諗環境都唔多講，上次食評都有描述，雖然店子開咗大半年，今晚到訪雖然喺閒日，一樣大收旺場，足見其實力及受歡迎度。
餐牌睇落無乜點變，都喺3款選擇：釜山、首爾、濟州塔，每款都已經包括10款或以上海鮮及多款蔬菜，不過，粥底就加多咗兩款：魚湯及泡菜湯。此外，價錢亦明顯調整咗！
九層塔嚟到，都要等大概20分鐘先有得食，睇住塔頂個溫度計慢慢升溫，就期待即蒸原味海鮮就快「出籠」。
韓式前菜 趁個海鮮塔仲蒸緊，先食住啲韓式前菜：大豆芽、芝麻白菜仔、醋醃蘿蔔及韓式泡菜，而今回就無咗啲薯仔。蘿蔔酸爽清新，最易令人開胃，泡菜辛辣入味，都唔錯喎！
韓式前菜
50 views
1 likes
0 comments
因為唔喺第一次食，當然唔及第一次咁驚喜啦，不過，同行友人就喺第一次，所以，佢就萬分雀躍。蟶子及象仔蚌兩者入口都爽口鮮甜，確實好鮮味，所以，無沾點任何真醬料，務求嗒出海鮮原味。
第一層：蟶子、象仔蚌（伴車厘茄、節瓜）
73 views
1 likes
0 comments
第二層：元貝 大元貝清蒸，無加任何太搶味嘅配料，只下少少蔥花提鮮，感覺不俗，元貝厚肉鮮甜，晌殼內嘅海鮮湯汁就更加唔好錯過。
第二層：元貝
60 views
1 likes
0 comments
第三層：海蝦（伴金菇） 每人有3隻大海蝦可享用，隻隻都好大隻吓，蝦肉爽口彈牙。此外，好鍾意佢層層都加咗啲野菜。
第三層：海蝦（伴金菇）
52 views
1 likes
0 comments
第四層：新鮮花尾龍躉、北寄貝（伴車厘茄） 朋友嘩嘩聲咁，皆因啲鮮北寄貝大大隻，同平時食刺身時見到嘅感覺好唔同，入口柔韌鮮甜。花尾龍躉睇落好似無上次咁大件，但肉質好滑，又好有魚鮮味。
第四層：新鮮花尾龍躉、北寄貝（伴車厘茄）
76 views
1 likes
0 comments
第五層：沙巴肉蟹、青口（伴秀珍菇） 每人有半隻沙巴大肉蟹，慢慢拆，肉蟹啖啖肉，味道非常鮮甜，仲有少許膏；青口較平時見到嘅大隻，啲肉又唔會好似擦紙膠咁，味道較甜。
第五層：沙巴肉蟹、青口（伴秀珍菇）
74 views
1 likes
0 comments
第六層：大蚌、大花蛤（伴木瓜） 無論大蚌還是大花蛤，都帶有一朕海水味，而前者真喺好巨大，非常有睇頭。兩者質素都唔差，雖然味鮮，唯入口有少少韌，我哋認為有少少蒸過火，可能將佢同第五層對調會合宜啲，因為食蟹花嘅時間多咗，下一層就自然蒸耐咗 。
第六層：大蚌、大花蛤（伴木瓜）
64 views
1 likes
0 comments
第七層：鮑魚、日本蕃薯（伴白蘿蔔、冬菇） 大連鮑魚的確有料到，大隻夠睇頭，口感彈牙煙韌，鮑味鮮甜，令人再三回味；日本蕃薯亦寧舍粉甜，好有蕃薯香。
第七層：鮑魚、日本蕃薯（伴白蘿蔔、冬菇）
69 views
1 likes
0 comments
第八層：海螺、日本南瓜、粟米、黃牙白 依層以野菜為主，日本南瓜及粟米都好好食，前者粉香，後者清甜，成為依層嘅亮點；而海螺就變成大配角。
第八層：海螺、日本南瓜、粟米、黃牙白
50 views
1 likes
0 comments
第九層：魚湯（每位加$30） 食晒啲海鮮，唔講都知最尾就喺啲「精華」粥水，今次揀魚湯，因為海鮮嘅倒汗水已帶有鮮味，所以，令魚湯變得唔明顯，可能韓式泡菜會特別啲！
第九層：魚湯（每位加$30）
55 views
1 likes
0 comments
今次同行嘅朋友唔好酒，所以，都只叫咗濟州橙汁（$70 / 1,500ml）。
依家佢哋仲推埋午餐，以套餐形式，好似幾豐富，都喺$80位（兩位起）；而且，連海鮮塔都有做，當然比晚市平，不過，較無保險喺佢無講明有咩海鮮，如果打算幫襯就喺要問清楚少少。反而，較有興趣喺佢個素菜塔，因為啱晒茹素嘅老婆 。
再嚟食都無失望，當然，有少部份地方都仲可以改進吓，令個蒸海鮮可以做得更好。當然，最開心喺同行朋友都話無介紹錯，的確「鮮」入為主 。
Post
