鳴越越式料理

Open Now

Now Closed

星期一至五嘅上環，平時都車水馬龍，週末就少左啲繁忙。心血來潮想食越南嘢，就諗起近近地office但係又唔成日去嘅鳴越。由中環或香港站行10分鐘，或者上環站出口對面就到。一入門口就見到好多畫，直到入去都係。同朋友坐低左就望下個餐牌。我地點左一碗生牛肉湯河，軟殻蟹米紙卷，大蝦米紙卷，lime coke同埋咸檸梳打。飲品先到，我order既咸檸味道啱啱好，唔太甜。然後到碗pho上。首先portion分量幾大碗，特別係牛肉嘅分量幾多，牛亦係新鮮手切肥牛，比普通火鍋肥牛有口感。再食其餘嘅嘢，湯底味道清香唔太鹹，伴碗芽菜及洋蔥新鮮。值得一讚👍🏻然後兩個rice paper roll。大蝦🍤新鮮，點上酸汁感覺清新同與內裡嘅材料相配，裡面嘅香葉味好突出。軟殻蟹rice paper, 一啲都唔油膩，炸得啱啱好。總括而言，食物分量大，較健康唔油膩，幾適合一家大細，係响中西區CP值幾高嘅餐廳。