榮式燒雞扒 (Closed)

星期一，搬家之事已落實得八八九九，可以繼續做北角人。住了北角區年多，一次都未試過與家咫尺之距嘅「榮式燒雞扒」，臨別舊居在即，是時候幫襯一下了。太座是豬扒加鹵豆腐拼豬骨湯拉麵($45)，豬扒質素普通，沒有留下深刻印象；反觀筆者嘅榮式雞扒拼粟米肉粒套餐($42)，值得一談。這塊燒雞扒，外表燒得金黃，表面十分香脆，醃得很入味，十分吸引。咬落肉汁亦相當豐富，美味可口。粟米肉粒是固然的大家樂feel，伴在白飯旁的什菜是炒過吓的，都算唔錯。筆者想，此燒雞扒可謂猶步江湖，價錢又不離譜(試想一頓大家樂晚飯套餐閑閑地都要三十幾啦)，是值回票價的。服務有點甩漏，減了分。