汀汀烤活魚 (Closed)

汀汀烤活魚既烤魚好食好多人都知，亦都食過好幾次，今次黎到唔食烤魚改食雞煲，發現佢哋既雞煲質素都好好，真係唔錯，平日晚飯時段都好旺場，想食訂定位就穩陣啲。招牌雞煲: 半隻雞份量2個人食啱啱好，麻辣、香辣同蒜香3種口味選擇，辣度亦都可以自選。今次食小辣唔算太辣，夠惹味，下次可以挑戰中辣。食完雞煲就可以打邊爐，人少少淨係叫左2個火鍋配料，極品黑豚肉同蟹籽蝦丸，黑豚肉唔駛淥好耐，太耐會鞋，啱啱熟就食得，爽滑。蟹籽蝦丸好出色，不但止彈牙，咬落仲有粒粒蟹籽，好食!另外再叫多個串燒川味韭菜，韭菜上舖住調味孜然粉，好香。真係想再食多幾款串燒，但實在太飽了。2個人埋單都係4百幾，都幾抵食。