潮州邨 (Closed)

來得喜記，當然不會錯過隔離潮州村的鹵水鵝肝，而呢期鵝肉靚，又斬半隻鹵水鵝來趁下熱鬧。鹵水鵝肝仍然有水準，入口即溶又甘香味美，加上鹵水的味道，媲美任何西式整法。只賣50蚊一份，有十多片，是西餐的四份一價錢，套用食友的形容詞，是「十個抵」！喜歡鵝肝的不要錯過。這一味鹵水鵝肝，絕對是掛頭牌的食物；鹵水鵝肉﹝圖示﹞亦夠味，肉質嫩滑唔韌，都有水準。百五蚊半隻，都幾經濟。好快就世界杯，鹵水鵝肝及鹵水鵝，配上冰凍啤酒，是睇波的最佳餘興。