吉豚屋吉列豬扒專門店

Open Now

Now Closed

星期六約了朋友仔郊遊，決定在油麻地集合去坐Van 仔，大家諗住嗱嗱聲，是但求其吃，”拾拾” 和”皇后” 異口同聲都話要食炸豬扒，我話未食過，佢哋眼仔碌碌咁望住我，我就知道有必要去試下了⋯⋯起初以為全部煎炸野，但原來還有其他選擇。吉列豬扒定食$69~先來本店主角，吉列豬扒又幾靚仔喎，大大碟椰菜絲，仲可以自己多加麻醬，好友”拾拾”拎住支麻醬熟練地吱得滿滿在椰菜絲上，睇見佢都吃得開心。吉列豬扒拼牛燒肉定食$79~一次過可以滿足兩個願望，除可以吉列豬又可牛肉，有飯有湯，難怪很多學生排隊幫襯。雞扒牛肉壽喜燒鍋烏冬$74筆者喜歡濕濕哋，選了這個雞扒牛肉壽喜燒鍋配烏冬，圖為送錯了飯，最後更正番但忘了補影，以這個價錢有如此質素，難怪好友們會喜歡。雞扒牛肉壽喜燒飯$59~滿滿的一碗飯，吃得友人很飽滿。整體來說:店員在忙碌中仍保持良好的服務態度，一讚。所以有加一服務費，都算合理。價錢大眾化，豬扒煎炸恰到好處剛剛好，難怪吸引到咁多人排隊。