Video
Read full review
2018-08-06
1261 views
九龍站，其實都喺返放工偶爾會經過嘅地鐵站之一，但圓坊，卻總喺好少會考慮搵食嘅商場之一，無咩特別嘅原因，只喺少一份慣性而已。查實比起去東九龍嗰邊，圓坊對我嚟講就更加就腳，但奇怪，感覺總喺覺得佢有少少莫名嘅隔涉。是夜，打破呢份隔涉感，與老朋友相約到「McSorley's Brewhouse & Grill」聚一聚。步出港鐵，再轉上另一組扶手電梯，就輕易到達圓坊上嘅演薈廣場，偌大嘅廣場，但抬頭一望，感覺就喺四圍都被高樓包圍住晒，可能就喺呢樣令我唔多想過嚟圓坊。McSorley's Brewhouse & Grill門面唔大，仲有啲低調嘅感覺，但其實內裡環境頗大。餐廳佔兩層樓，地下喺酒吧區，走輕鬆路線，樓上則喺用餐區（當然，亦設立少少單單飲酒嘅位置），走情調路線，故晌度用餐氣氛一流，然而，卻又唔會太拘謹。用餐區較後方嘅位置，更喺設有天幕玻璃，可能近日午間陽光太猛，亦被拉起幕簾遮晒，但被安排坐晌近窗一邊嘅卡位，位置闊落，全面都喺落地大玻璃，樓底又高，開揚舒服，感覺更悠閒。由地下上一樓之時，晌樓梯見到大大隻霓虹燈寫住「eat · drink · relax」，正正可能就喺餐廳想客人嚟到嘅感覺。所以
步出港鐵，再轉上另一組扶手電梯，就輕易到達圓坊上嘅演薈廣場，偌大嘅廣場，但抬頭一望，感覺就喺四圍都被高樓包圍住晒，可能就喺呢樣令我唔多想過嚟圓坊。
McSorley's Brewhouse & Grill門面唔大，仲有啲低調嘅感覺，但其實內裡環境頗大。餐廳佔兩層樓，地下喺酒吧區，走輕鬆路線，樓上則喺用餐區（當然，亦設立少少單單飲酒嘅位置），走情調路線，故晌度用餐氣氛一流，然而，卻又唔會太拘謹。
用餐區較後方嘅位置，更喺設有天幕玻璃，可能近日午間陽光太猛，亦被拉起幕簾遮晒，但被安排坐晌近窗一邊嘅卡位，位置闊落，全面都喺落地大玻璃，樓底又高，開揚舒服，感覺更悠閒。
由地下上一樓之時，晌樓梯見到大大隻霓虹燈寫住「eat · drink · relax」，正正可能就喺餐廳想客人嚟到嘅感覺。所以，我哋邊談，就邊輕鬆用餐，拋低工作嘅煩惱。
主餐牌設計到成張大海報模樣，加上部份菜式嘅插圖，醒目吸引。起首有一系列海鮮精選，跟住仲有前菜及小食、湯及沙律、扒類精選、酒吧特色菜及主菜、配菜、甜品，可以講喺種類齊備。
原來餐廳逢星期一，有主菜買一送一優惠（扒類精選除外），今晚唔喺星期一，真喺走寶嘞！
另一張喺飲品餐牌，包括有手工啤、啤酒、蘋果酒、葡萄酒、雞尾酒、無酒精雞尾酒、奶昔……等等。留意，手工啤、啤酒、蘋果酒及部份紅白餐酒有歡樂時光優惠。
仲有一張小飲品餐牌，羅列咗有數十款嚟自唔同國家嘅威士忌，如蘇格蘭、愛爾蘭、美國、日本、台灣、印度、加拿大， 絕對喺威士忌愛好喜嘅福音啦！
MC Fruit Fizz $45Fruit Fizz有蘋果、熱情果、士多啤梨或芒果口味選擇，小弟揀最後者。雖然入口芒果味真喺唔重，反而薄荷味突出，但冰涼透心，尤其近排大熱天，口感更爽。值得一讚喺餐廳都有支持環保嘅心，用咗鋼飲管，有人會擔心衛生問題，相信仍要一段時間啲人先接受到，而晌啲中高檔餐廳客人應該較少擔心。
Blackberry Lemon Squash $70友人就選取以黑莓糖漿加檸檬梳打做成嘅Blackberry Lemon Squash，色澤淡粉紅，仲插咗一顆黑莓，賣相幾標緻。同樣啱晒炎夏享用，口感冰涼，而味道就較為偏向檸檬味。
煙燻雞肉牛油果沙律 $168近年牛油果大熱，所以，唔少菜式都加入牛元素，就連早前晌灣仔飲過一「杯」鮮奶咖啡，都跟牛油果聯乘。講番碟沙律，份量十足，沙律菜以他力干油醋汁拌勻，本身已經幾好食，仲加埋牛油果、水瓜柳、黑橄欖、松子仁、車厘茄……等等，非常好食。而啲雞肉好似手撕咁，唔嚡，又有點煙燻香。
煙燻雞肉牛油果沙律
$168
26 views
0 likes
0 comments
近排真喺有口福，晌多家餐廳食過啲極有水準嘅意大利麵，今次晌McSorley's所見都有一道招牌意大利麵，既然喺店家推介，相信有一定質素，故此放棄小弟心水嘅健力士牛肉批，改以一試該意粉。的確，喺一道高水準嘅菜式，首先，啲扁意粉柔韌有咬口，煮得恰到好處，而且每炷都掛滿紅甜椒汁，味道非常特別；咪以為得啲青口同大蝦，其實麵內仲混有唔少爽口嘅龍蝦肉，兼且，青口好鮮甜，完全唔喺雪藏貨可比，大蝦亦爽彈帶蝦鮮味。
招牌海鮮扁意粉
$248
30 views
0 likes
0 comments
香焗芝士通心粉 $62配菜中都諗緊揀招牌菜式嘅香焗芝士通心粉，還是個人偏好嘅忌廉牛油菠菜，最後，就就友人喜好，揀咗前者。整道通粉都填滿香濃嘅芝士，焗過嘅通粉又多添份咬口感，我哋都幾滿意。
甜品方面，我哋都鍾意食甜品，所以，之前嘅菜式都唔會點太多，恰好就夠喇，因為留肚食甜品嘛。餐牌中，甜品共有4款，每款都喺賣$88，以「招牌香濃朱古力蛋糕」睇起嚟最吸引。
招牌香濃朱古力蛋糕 $88用上「Legendary」，難道唔單止喺招牌，更喺傳說中難以想像中嘅美味？以小銅鍋盛載，再加上大大球雲呢嗱雪糕，送到嚟雪糕都有少少溶，可見份朱古力蛋糕有幾熱。蛋糕嘅外殼好脆口，裡面填滿濃濃嘅朱古力漿，喺心太軟嘅銅鍋版，伴以雪糕同食，有點冰火效果。不過，個人就稍稍覺得再焗耐啲更好，因為蛋糕殼較薄佔好少部份，朱古力漿佔得實在太多，似飲超特濃朱古力多過食一道甜味。
午市（12:00-2:30pm）就提供自助午餐，每位數$178，供應有一系列精選主菜及愛爾蘭菜式、沙律、冷盤、配菜、甜品，不過，只限星期一至五，明顯對象都喺ICC樓上返工嘅人，呢啲機會唔喺我。
老友讚呢度用餐氣氛好，食物水準高，確喺物有所值，而且，服務好貼心，食完個沙律，已有幫我哋換過啲餐碟食主菜，而到甜品就更加換過套餐具。為咗了解啲食物質素，前後經理及主要招呼我哋嘅店員，均有詢問我哋對食物嘅意見，可見佢哋都重視自己嘅出品水準合唔合客人嘅期望。唯可惜我哋都唔多飲啤酒，未有一嚐，唔知啤酒如何，但見唔少外藉客人嚟「歡樂時光」，相信自有其吸引之處。
Post
