麥記美食 (景文樓)

Open Now

Now Closed

餐廳：麥記美食地點：北角堡壘街菜式：上海菜餐牌：上海點心如鍋貼、生煎包、小籠包及葱油餅，酸辣湯，麵點，風味小食。都有套餐。鍋貼餐包10隻鍋貼，酸辣湯同飲品，$68。鍋貼果然係米芝連推介小食，煎得底脆而上面皮薄又滑，入面肉餡唔錯，加有少少蔥花。枱面上有黑醋自己加。酸辣湯好足料，味道酸酸辣辣，但唔會過辣，料有黑木耳絲，豆腐絲同鴨血絲，口感好爽口又滑溜。紅油抄手餐包紅油抄手同3隻鍋貼加飲品，$53。紅油抄手有十隻小雲吞，皮非常滑溜，肉就細細舊。除左一般既辣椒油，仲有肉碎同酸菜加蔥花，味道少少麻辣。3隻鍋貼小籠包 $32小籠包一籠四粒，皮薄而湯汁夠多，肉都好鮮，出色！鍋貼6隻 $30再加多碟單點鍋貼墨魚 $14墨魚有幾件，超爽口。燒賣 $10燒賣一客5粒，肉質彈牙。小食可揀甜醬，辣醬或者豉油，我揀左辣醬，都頗辣。凍豆漿凍豆漿係支裝，味道微甜，夠凍，可解渴。Coke ZeroCoke Zero都夠凍。配有獨立包裝飲管。總括而言，鍋貼質素果然高，而其他食品都唔錯，包括小籠包同小雲吞。店舖簡單，座位大概有16個左右。都有好多外賣單。哥哥好友善。