KIN麵 (Closed)

家陣啲Food Hall，愈來愈高水準~四條友搵食，唔一定要去餐廳，是次走左入中環街市的Food Court，叫左幾款麵大定開心些牙，同樣滿足。Kin Noodles的麵食無分國界，韓國台灣以致東南亞口味，應有盡有，中意吔麵既筆者終於都有啖好食。分別叫左台灣牛肉麵、韓式辣海鮮湯麵、泰式有機牛肉炒河，以及檳城炒粿條。台灣牛肉麵的湯頭微辣，滲出點點藥材氣息，而且牛展又軟腍入味，半隻既溏心蛋亦絕不欺場，真係估唔依家Food Hall可以做到如此高質出品。韓國的代表，湯頭不是死辣辣到你喊嗰種，要讚係真的有好多海鮮好足料。接下來的兩款有點相近，但泰式炒河粉是用上比較濶既河粉，所以更索味，採用軟嫩的封門柳，是炒河粉的好拍檔。然而，我更喜歡檳城炒粿條，或許是情意結吧！始終覺得加入魚露同豬油炒的粿條，是更香又更有鑊氣，食炒嘢最緊要都係夠鑊氣啦！大蝦、腊腸等配料，感覺上也較豐富。食完麵後，整多隻鬆化又加入左本地蜜糖的蛋撻，食餐Food Hall我都可以好滿足！