浩記甜品館 (Closed)

我相信用“麻雀雖小，五臟俱全”絕對係符合晒呢間舊式甜品店。佢地賣嘅都係傳統中式甜品，當然佢地都會有咸點，例如潮州粉果，叉燒包，菜肉包等等。店舖雖然細，但絕對可以滿足你想食中式甜品嘅欲望，因為佢地甜品款式好多。我地叫左兩款甜品，一個楊枝甘露同一個兩溝(芝麻糊加杏仁糊)，兩碗都幾大碗。個楊枝甘露好多芒果肉，好好食。個兩溝都好食，不過有樣野好欣賞個老闆。話說個兩溝其實係想要凍嘅，不過佢地芝麻糊無晒凍，得杏仁糊有凍。熱死辣辣當然唔想食熱野啦，但又好想要芝麻糊，正當想放棄個芝麻糊個時老闆就問暖得唔得?暖點都好過熱，所以之後老闆就溝左個熱芝麻糊同凍杏仁糊比我地