黃記煌三汁燜鍋 (Closed)

依排天氣凍，想食辣野，講起辣野就必定會諗起黃記煌，所以我哋去到尖沙咀嘅黃記煌！我哋一早就黎到，已經滿左一半左右，呢度嘅環境舒服，座位寬闊，坐得好舒服。呢排推出左啲二人麻辣燜鍋，睇到個Menu都覺得好吸引，今次一定試下。麻辣燜燒有幾款，分別係石班魚柳麻辣燜鍋、海鮮麻辣燜鍋、牛氣麻辣燜鍋、三黃雞麻辣燜鍋，全部都好吸引。燜鍋係用壓力煲烹調，好健康，我比較鍾意食魚，所以揀咗石班魚柳麻辣燜鍋！燜鍋以裏面有魚柳、墨魚仔、蝦，同埋時令嘅蔬菜作為底料，仲加咗秘製麻辣醬汁燜製。石斑魚樓肉質超嫩滑，味鮮可口，而且大大嚿；蝦嘅肉質都好紮實、爽口，燜鍋加咗秘製麻辣醬，令材料非常入味，辣中帶麻，辣得滋味！我哋仲叫咗夫妻肺片、涼拌鮑片海踅頭、涼拌拍青瓜。夫妻肺片有牛脷，牛輾，牛肚，非常入味，有咬口；涼拌鮑片海踅頭、涼拌拍青瓜口感清新，伴麻辣鍋一流！可以飲到許留山嘅凍飲，係我其中一個鍾意黎黃記煌嘅原因，叫咗2杯我嘅至愛粒粒芒果蘆薈爽、粒粒芒果爽，超多感覺，冰涼清甜，好滿足！最後點都要食埋個甜品，我哋叫咗個芒の戀，一次過滿足晒我三個願望，正呀！