Moments Lifestyle Café (Closed)

星期日去銅鑼灣，周圍都好多人，又要等位，呢間嘢難得唔使排，指吓個鼻walk in就有位坐低。$268 tea set for 2，對比好多酒店tea都平，坐位算舒服，唔使人逼逼。食物方面，叫茶嘅朋友，有一大壺，飲極仲有，咖啡一杯份量相對削啲，但味道亦合乎水準。三層架食物，下面兩層鹹點，頂層甜點，一碟scones牛角酥就用另一碟奉上，講真味道都系好麻麻。蟹肉沙律三文治冇特別，三文魚加塊餅唔覺鮮美，粒粒帶子加塊生菜，帶子冇味菜有啲苦，巴馬火腿木瓜火腿感覺太乾身，懷疑切咗好一陣。馬卡龍不嬲唔多喜，可能唔鍾意食太甜，弊在朱古力cake一樣甜得太過漏，好似夾層食梗拖肥咁，士多啤梨朱古力ok，scones最好味，本來牛角酥都唔錯，好似剛出爐咁鬆化，敗筆在裏面啲唔知咩醬，又系甜得太漏，唔好怪我失禮，最終吱晒出來棄於碟邊，齋包反而好吃咗。唔好有太高期望就唔會失望，呢度其實好啱傾偈飲吓嘢hea吓，只要記住下午茶5:30一定要交枱就得喇。