北海拉麵屋 (Closed)

同女朋友行完sogo,行完最底果層，唸住食ｄ野啦，見到ｅ間拉麵店，門口排左幾個人，咁就跟住排隊試下啦，排排下見到其實入面都有幾多吉枱，有幾張都係之前ｄ食客食完但係就無人執，我就覺得好奇怪，點解店員眼見出面有人排隊但係都唔快快執枱入新客呢！？！？，而職員點解見到出面等但係又唔多理會呢！？等左十分鐘度，職員終於安排入坐啦！坐低左之後我就叫左個珍寶拉麵！拉麵到左啦，份量都真係幾大，自己都唔洗加麵，清湯底感覺上無咩味道，都幾淡，好彩有ｄ泡菜幫幫手，有少少辣味，如果唔係都幾難食得晒，麵質都幾算彈牙，材料就一定唔係新鮮，但係都唔會差，但係整體黎講都算係普通質素，真係唔會再黎！