Video
Read full review
2022-10-26
82 views
好少去黃大仙呢頭，見到呢間食日本嘢嘅餐廳好似幾吸引，就入去試下啦。環境方面，餐廳都算幾大，座位非常闊落。入到嚟最吸引我視線嘅係好多動漫figure擺咗喺度😍有好多我中意嘅角色。食物方面，好似都有幾多平時較為少見嘅食物，例如櫻花蝦鯛魚湯泡飯同埋白咖喱烏冬，所以就揀左黎試下。櫻花蝦鯛魚湯泡飯賣相非常吸引，有兩隻大蝦喺上面，再由店員加d熱辣辣嘅鯛魚湯落去。鯛魚湯非常鮮甜，完全冇腥味，味道淡淡地，應該係冇味精。所以我地連個湯都飲晒。白咖喱烏冬真係成碗都係白色，睇落好似一層忌廉喺上面。不過原來撩起d麵，下面先係濃濃嘅咖喱。咖哩味好香濃！火焰左口魚牛油果沙律，好好味呀，左口魚燒完有啲油香🤤加埋酸酸地嘅調味，好開胃。照燒魷魚筒，好大隻，好鮮味，唔韌。厥餅抹茶牛奶雪糕，唔會太甜，厥餅同丸子都好軟糯。飲品方面揀咗宇治金時同埋紫薯牛奶，大大杯，賣相好靚好打卡，又唔會太甜。非常推薦！
環境方面，餐廳都算幾大，座位非常闊落。入到嚟最吸引我視線嘅係好多動漫figure擺咗喺度😍有好多我中意嘅角色。
食物方面，好似都有幾多平時較為少見嘅食物，例如櫻花蝦鯛魚湯泡飯同埋白咖喱烏冬，所以就揀左黎試下。櫻花蝦鯛魚湯泡飯賣相非常吸引，有兩隻大蝦喺上面，再由店員加d熱辣辣嘅鯛魚湯落去。鯛魚湯非常鮮甜，完全冇腥味，味道淡淡地，應該係冇味精。所以我地連個湯都飲晒。
白咖喱烏冬真係成碗都係白色，睇落好似一層忌廉喺上面。不過原來撩起d麵，下面先係濃濃嘅咖喱。咖哩味好香濃！
火焰左口魚牛油果沙律，好好味呀，左口魚燒完有啲油香🤤加埋酸酸地嘅調味，好開胃。
照燒魷魚筒，好大隻，好鮮味，唔韌。
厥餅抹茶牛奶雪糕，唔會太甜，厥餅同丸子都好軟糯。
飲品方面揀咗宇治金時同埋紫薯牛奶，大大杯，賣相好靚好打卡，又唔會太甜。非常推薦！
Post
