Waffling Beans

Open Now

Now Closed

呢間舖頭地方比較隔涉，係一間唔起眼嘅舖頭。因為有間甜品舖唔做黃昏時段既生意，跟著諗下諗下，突然間諗起依間店舖。喺門外已有一枱客人，佢哋帶住狗狗一齊嚟，佢哋隻狗狗係門口熱情招待。踏入舖頭，空間感夠大夠闊，裝修得好舒服，跟著有個女仔招呼我哋，唔知點解個感覺覺得好舒服好warm。我哋嗌咗一壺印度香料茶同一個甜品叫7th Heaven。等咗約五至十分鐘左右，甜品上枱，眼前一望，覺得件窩夫好細但個賣相好精緻。砌咗一小口嘅窩夫放入口，係暖暖的，有口感，似厚身雞蛋仔嘅感覺 ，之後再砌一小口窩夫加咗2小片既士多啤梨同士多啤梨醬再放入口，酸酸地又甜甜地，感覺好特別，好喜愛。個花茶既感覺係西式濃紅茶，香味唔出但味道比一般紅茶為重。一個甜品賣75蚊，如果可以坐好耐又有relax嘅感覺，我覺得係一個不錯嘅選擇。