本佐日本燒肉料理 (Closed)

早排同朋友仔去食燒肉，由於唔想揀藍店嘅關係，上黃店guide睇左一轉。即日先book位嘅我地選擇唔多，最後揀咗呢間，抱住支持黃店嘅心態 試試佢。話明燒肉放題，當然expect係任飲任食，但去到就發現原來嘢飲只限每人一罐，如果要任飲嘅 每人另加$30。到燒肉，價錢係$298未計加一。叫完第一輪野食就發覺出事。肉嘅種類少都算，質素真係極差，連average都稱唔上。牛肉粒牛小扒呢啲基本野 完全冇肉味，咬又咬唔開，都唔知係咪合成肉。另外仲有醬汁豬頸肉同牛仔骨，唔一一列舉，總之就冇樣入流。海鮮都有幾款，不過見佢個肉嘅質素係咁我就唔敢食，始終海鮮如果食左唔乾淨嘅 手尾會好長。 仲有其他小食嘅，例如炸物/粟米，朋友仔話成間野最好食就係佢個牛油粟米 “稱得上average”，一間燒肉放題得到咁嘅評價真係唔知好嬲定好笑。如果$298再加任飲$30 計埋加一，$350-360嘅價位 已經可以係牛角食到level 3 or above。係呢間食真係完全唔值。