金記冰室 (霎東街) (Closed)

8月份，銅鑼灣時代廣場有個「聖鬥士星矢30週年展」，吸引大量人潮，我也是一位星矢迷，但又不似他們那麼瘋狂，所以去到沒有排隊入去拍照，只有借位拍到一些星矢照片，影完當然去金記冰室食返個下午茶，睇完黃金聖衣，諗起金黃色的西多士，本身有Q版西多士餐，但我唔想食鷄翼同紅荳冰(其實$38好抵食)，所以散叫法蘭西多士($26)及凍檸茶($18)。法蘭西多士，炸到金黃色的西多士，令我聯想到黃金聖衣，雖然有少少牽強，不過我相信大家小時候也可能幻想無限，返回現實了，這只是一件用蛋漿炸過的麵包，內裏加點花生醬，將牛油搽勻，再加上蜜糖切開再食，邪惡非常，西多沒有炸得過火，不用2分鐘便消滅了。飲品繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，我當然唔怕死，呢杯飲料夠凍夠茶味，合格。