麥當勞 (Closed)

日日出街食晏，有時已經諗唔到食咩好，今天我…決定食麥記! 講真，冇乜幾多間連鎖快餐店可以keep到咁穩定嘅水準，而又可以推陳出新，勁!今日我就試佢個新包包:餡料有蛋、生菜、炸雞塊和醬汁，名為“東京の夜”， 個名咁繁華璀璨呀，相信係因為以黑色的包喻意夜幕；而且採用了之前將軍漢堡那一款醬汁，所以充滿日本風味；至於雞，我便還未能參透何解，不過因為我向來少吃牛，所以很開心可以試到這個新款包呢!味道方面，如果是麥記粉絲，必定會吃得出這款包是由幾款合而為一的，包括麥香雞包的雞塊、芝士蛋漢堡的蛋，將軍漢堡的醬汁，再加上之前星戰系列的黑色麵包，但你以為是胡亂組合嗎? 那便太低估它啦，這的確是一個新的口味感覺! 推介呀!另外也點了薯條、香芋批和士多啤梨奶昔:由於是外賣，薯條拎到返公司都已經唔脆，始終都係堂食好味嘅對香芋批有點失望，因為數年前的味道比較真實，現在的味道好像假了一點，也甜了一點，不過如果不比較，這仍是一款能刺激味蕾的菜色而士多啤梨奶昔是我的情意結，即使聽人講，話粉紅色素是在乜乜蟲提煉，也改不了我對她的喜愛，好飲呀！(美中不足的是，原來中環店的這個餐會貴$2 )