愛茶 (Closed)

店內有兩名員工，女店員負責落單同收錢，男店員整飲品。女店員係極度無禮貌！由叫野食、到俾錢到俾野飲都係全程黑口黑面。問佢中杯同大杯的size有幾大，佢係飛隻杯出黎，好大力放在抬，一句解釋都無。全程一句唔該多謝都無，就黎連客都有基本禮貌過佢。用個袋裝完野飲都係飛出黎，好似要個客貼錢受佢氣咁。呢種服務態度真係世界級，黑面黑到咁。杯茶啡紅豆的紅豆又係硬到好難食。將心比己，都係飲杯野，都係果幾分鐘，點解要咁惡對人。食野都其次，但服務態度真係非常唔要得。