李圓圓 (駱駝漆大廈) (Closed)

呢間茶飲店想試咗好耐，據聞佢係唯一一間用明火，古法熬煮黑糖珍珠。適逢今次響街行到中暑咁濟，即刻走去買杯飲下。最吸晴一定係佢嘅signature- 黑糖珍珠鮮奶，另外見有期間限定，幾款茶飲口味，望落都好吸引。而家買一杯黑糖圓圓珍珠鮮奶系列，仲可以半價換購呢幾款新口味。黑糖珍珠鮮奶 - 黑糖珍珠真係冇得輸，比坊間嘅軟熟，好煙韌彈牙，黑糖味配埋香濃嘅鮮奶，真係好正。另一杯期間限定，揀咗黑糖珍珠四季春。呢杯茶味好香，入口甘醇，加埋黑糖珍珠嘅甜味，消暑解渴。忍唔住要再讚下佢嘅珍珠真係整得好味，so far係我飲過咁多間嘅no. 1，各珍珠控真係值得一試。