名館 (Closed)

「名館」中環分店，裝修夠型夠格，完全擺脫了酒樓嘅格局，啱哂我哋呢啲後生仔女😬特別鍾意佢加入呢隻藍色色調，無論椅子、牆身都不經意溶入左呢個顏色，感覺好有活力👍🏻連餐牌都古色古香，好似一個屏風咁，好襯好靚😍點心放題$98@一位，任食多款點心，講真食到二、三款已經為皮啦，當然唔係平就得，最緊要係食物質素要OK先得😬前菜點心好精緻，秋葵、鮮腐皮，健康又好味😋標哂煙嘅雪茄春卷誠意十足，賣相滿分不特止，而且夠脆又好味，扮嘢影相最啱😬炸鮮奶又香又滑，無得彈👍🏻蒸流沙奶黃包，熱辣辣，真材實料，再試一口紫薯果，一樣有驚喜，仲有佢哋係即叫即蒸，全部新鮮熱辣，唔使$100 ，就可以任食呢度數十款不同嘅點心😍😍😍腸粉呢種街頭小食，喺香港嘅集體回憶，我哋當然唔會錯過啦，精粹就係熱辣辣嘅腸粉和不同嘅醬料混合🥳呢度環境超靚，中西合璧，天花嘅滿天星雲雲燈飾，非常夢幻，喺中環黃金地段，咁嘅價錢可以嘆到咁超值嘅精美點心，真心極力推薦👍🏻👍🏻👍🏻