點心廊 (Closed)

環境新和光麗金色配木系同雲石枱，lunch time時間多返工人嚟。朋友帶我嚟陪佢飲午茶，一小時夠嗎，哈哈。桂花烏龍茶 $10一個人茶位外間少見，推薦！桂花味十足，烏龍味香醇。飲左好多杯。平時覺得烏龍茶太濃既朋友，可以飲依個，易入口。金箔墨汁蟹粉鮮蝦餃 $68外觀飽滿，金箔點燃。朋友推薦話原隻蝦好彈牙，當中蟹粉唔會腥耐鮮。蝦同蟹粉夾既，唔會搶大家風頭。海膽凰眼餃 $68原片原片海膽係餃上面，非常鮮甜。之後點少少龍蝦汁豉油提鮮。咬落去少少芹味，原舊料好正，一口蝦餃肉。我比較喜歡依個。因為原片海膽令人好滿足，最重要無見過點心店有依種做法！金瑤柱脆皮蘿蔔絲腸粉 $58 配龍蝦汁豉油外觀好似種花草咁，幾可愛。腸粉皮有點硬度支撐住，中間係瑤柱脆皮薄脆，最入就係一堆蘿蔔絲清甜。龍蝦汁豉油點少少就野味d，始終係有炸物係當中。黑蒜凰爪排骨飯黑蒜甜甜好好味，比起普通蒜少左辣口感覺，可以食哂！凰爪好軟同清理乾淨，排骨無豬腥味同雪味。排骨多肉既，唔會蒸到老。石鍋蒸飯，每粒飯都爽口帶q，粒粒爽。下次要再嚟食其他點心，同預多時間等個個創作六式拼盤。