酒鍋 (V Point) (Closed)

好耐之前去過尖沙咀酒鍋嘅分店打邊爐牛肉上枱時已經覺得賣相好精美一塊跟一塊好有秩序咁鋪喺木架上好治癒，好似曬緊太陽咁今次去銅鑼灣再食酒鍋食物賣相嘅精美程度又再震撼我嘅眼球！去到餐廳，右手邊全落地玻璃，可以俾我同朋友一覽維港嘅海景！視野開闊得嚟，個夜景真係叫人拍爛手掌！🟠先上湯底，黃金美人鍋，胡椒豬肚花膠雞湯底，大大件嘅花膠夠晒養顏，豬肚可以驅寒，加埋雞湯，成個湯底好清甜，滾左之後，一飲就已經飲咗三碗！🟠主角出場，叫咗個二人套餐，食物用好大個環形木盤盛載，黑毛豬肉、安格斯牛肉玫瑰花造型好吸睛，每朵有六塊肉，有成六朵咁多！肉質鮮嫩、油脂分布平均，雪花好靚，淥熟之後軟稔稔又無筋！個拼盤仲有三色餃、芝士腸、粟米、南瓜、靈芝菇、雞髀菇、秋葵、蝦丸、墨魚丸，想食乜就淥乜！三色餃好驚喜，三種味道好分明，皮爽肉嫩，仲有爆漿嘅感覺！🟠三色鮮製生麵菠菜、甘筍、墨汁麵，麵質好有口感，條條分明，仲食得出三種唔同嘅味道🟠竹蔗茅根、洛神花茶清甜解膩，打邊爐好拍檔！今次打邊爐打到好似欣賞藝術品咁，仲好有儀式感，滿足！