點籽冰室 (Closed)

下午茶時間就緊係要食啲邪惡啲既野食，呢間冰室下午茶都有麵食，未食lunch既我就決定入黎試下。呢度竟然有咖喱牛腩撈丁，一定要試下！上到枱見到真係唔差，份量唔少，足一個公仔麵，牛腩都有幾大舊，咖喱汁又多，撈晒成個丁麵係可以做到每條麵都有咖喱汁🤤牛腩大舊得黎唔會鞋口，肉質嫩汁，腍得黎有啲筋位有咬口，口感好，而且好入味，滿滿咖喱香，一流😙下午茶當然都唔少得要有雞髀，瑞士汁雞髀配薯角，雞髀有成隻手掌咁大，皮好滑，肉好嫩，而且好香醬油味，好入味，咸度適中🤓薯角就新鮮炸起，炸得好脆，熱辣辣，外脆內軟，又夠咸香，下午茶精品😎飲埋飲品就最消滯解渴，熱檸茶同熱檸水都好飲，檸檬夠新鮮就最重要！