Video
Read full review
2019-10-05
524 views
鼎爺私房菜好出名相信大家都知道，book咗都要等起碼大半年先有得食，聽講鼎爺啲燉湯仲好好味！而棋哥嘅燒味亦都好出名，成日見到佢銅鑼灣店人頭涌涌，最近留意到佢地竟然一齊開咗舖，而地點更係喺戲曲中心，平時經過都見到新起好嘅戲曲中心好靚，但就一直未去過，所以即刻約朋友去食鼎爺燉湯同棋哥燒味，順便睇下戲曲中心入面係點。平日夜晚去到好彩去到都唔洗等位，不過都見到幾多客，見到佢地嘅餐牌真係好有心思，專登整成中式月曆咁，好靚！餐紙同埋紙巾都印咗餐廳名，餐紙仲好精美，而家已經好少見到咁揼本嘅餐廳啦！餐廳嘅裝修都好有特色，除咗門口有懷舊鐵閘同埋牆上嘅手繪壁畫之外，仲有呢個復古味濃嘅中式算盤，真係好特別！秋風起，最好就係飲返盅燉湯補一補，呢盅椰菜瑤柱海皇湯真係真材實料，隨便一撈就已經係蠔豉同埋乾瑤柱，真係落足料好揼本！椰菜瑤柱海皇湯聞落已經好香，飲落去清得來又有好鮮嘅味道，仲有少少回甘，真係好正！遘到補，又點少得椰皇燉嫩雞，一打開已經聞到好香嘅椰子味，飲落好清甜，估唔到燉咗咁耐但雞肉都真係仍然保留到鮮嫩肉質，真係好鐘意呢盅湯，我會俾100分！！！店內員工真係好nice，佢地仲專登拎個外賣攜杯出黎介紹俾食客
鼎爺私房菜好出名相信大家都知道，book咗都要等起碼大半年先有得食，聽講鼎爺啲燉湯仲好好味！而棋哥嘅燒味亦都好出名，成日見到佢銅鑼灣店人頭涌涌，最近留意到佢地竟然一齊開咗舖，而地點更係喺戲曲中心，平時經過都見到新起好嘅戲曲中心好靚，但就一直未去過，所以即刻約朋友去食鼎爺燉湯同棋哥燒味，順便睇下戲曲中心入面係點。平日夜晚去到好彩去到都唔洗等位，不過都見到幾多客，見到佢地嘅餐牌真係好有心思，專登整成中式月曆咁，好靚！
餐紙同埋紙巾都印咗餐廳名，餐紙仲好精美，而家已經好少見到咁揼本嘅餐廳啦！
餐廳嘅裝修都好有特色，除咗門口有懷舊鐵閘同埋牆上嘅手繪壁畫之外，仲有呢個復古味濃嘅中式算盤，真係好特別！
椰菜瑤柱海皇湯
$108
13 views
0 likes
0 comments
椰菜瑤柱海皇湯
$108
5 views
0 likes
0 comments
秋風起，最好就係飲返盅燉湯補一補，呢盅椰菜瑤柱海皇湯真係真材實料，隨便一撈就已經係蠔豉同埋乾瑤柱，真係落足料好揼本！椰菜瑤柱海皇湯聞落已經好香，飲落去清得來又有好鮮嘅味道，仲有少少回甘，真係好正！
椰皇燉嫩雞
$138
7 views
0 likes
0 comments
椰皇燉嫩雞
$138
6 views
0 likes
0 comments
遘到補，又點少得椰皇燉嫩雞，一打開已經聞到好香嘅椰子味，飲落好清甜，估唔到燉咗咁耐但雞肉都真係仍然保留到鮮嫩肉質，真係好鐘意呢盅湯，我會俾100分！！！
店內員工真係好nice，佢地仲專登拎個外賣攜杯出黎介紹俾食客知原來佢地呢度嘅燉湯可以外賣！個外賣杯真係好吸引，方便拎之餘設計仲好方便飲同攤凍，真係睇得出佢地好有心！
荔枝柴燒鵝飯
$88
10 views
0 likes
0 comments
荔枝柴燒鵝飯真係呢度必食嘅燒味飯，而家仲用荔枝柴去燒嘅燒鵝真係買少見少，賣相仲好靚，食落表皮夠薄夠香脆，食落真係食得出荔枝柴獨有嘅香味，燒鵝份量都好多，肉質夠厚夠多肉，而且唔肥，賣相吸引。
脆皮燒腩仔(例牌)
$108
10 views
0 likes
0 comments
對於我嚟講，燒味一定要食脆皮燒腩仔，呢度嘅燒腩仔皮夠脆，咬落啲聲脆卜卜，味道唔會太鹹，發覺而家可以食到個皮真係脆嘅脆皮燒腩仔真係唔容易，好彩喺呢度可以食到高水準嘅燒腩仔！
桂香切雞瀨
$88
5 views
0 likes
0 comments
桂香切雞選擇配瀨粉，平時好怕啲切雞好肥好油，而呢度嘅雞皮唔多肥膏，切雞肉質好滑好新鮮，搭配薑蔥蓉一齊食就更夾！
凍奶茶
$28
3 views
0 likes
0 comments
奶茶見住店員喺凍櫃拎出嚟，冰凍嘅奶茶真係同燒味好夾，茶底香濃又夠滑，唔會太甜亦都冇澀味，剛剛好。成個感覺都係好港式，呢啲真係香港獨有嘅美食，要好好保留呢啲咁能代表香港嘅特色
Post
