拼食三郎 (Closed)

經同事介紹，係特登去呢間食店嘅，因為我係芝士迷，朋友又話好食好多芝士。其他間食店都幾難搵，不過吾緊要啦，好食嘅野多數穩世d，係一個冇乜人流商場入面，但就係呢間好多人客，心諗實冇介紹錯。坐低已經好肚餓，一人嗌左一個芝士窩，一係双重芝士蟹黃雞煲，另一個係香濃龍蝦湯海鮮煲，加埋帆立貝同豬肚。吾洗好耐，睇下電視，就成煲上，兩煲都超多芝士，好像吾洗錢咁，哈哈，店員仲嗌我地小心，可以拎走d菜先，免漏出。芝士蟹黃雞煲真係勁多芝士，食條菜都痴左好多芝士，湯好濃，但又吾會咸，覺得好好，因為我好怕咸嘅，入面份量都好多，一個女仔食都食吾晒。我朋友嘅香濃龍蝦湯都好正，又係芝士吾洗錢咁加俾你，這個龍蝦味就比蟹黃咸少少，不過都接受到，入面係有海鮮材料，例如帆立貝，蠔等，想講蠔都好好食，大大粒又好有蠔味，正正。同事果然冇介紹錯，好食得嚟價錢仲好平，一個100蚊都吾洗又吾洗加一，真係平靚正推介。經過呢度同冬天一定要再食過！