八幡屋涮涮鍋 (Closed)

星期六去油塘探朋友，佢提議再次去附近嘅大本型八幅屋涮涮鍋食放題，挑戰食量。店內環境相當闊落，坐得舒服。我倆入座先揀湯底，我揀咗個冬瓜薏米湯底，諗住清清地至可食到海鮮嘅鮮味。除咗用手機點刺身及其它海鮮食材，仲有自助嘅火鍋配料，有炸物，串燒，壽司，菜，丸類，雪糕櫃同飲品櫃種類亦多。刺身三文魚，吞拿魚肥美冇筋，甜蝦鮮甜，虎蝦肉爽彈牙，刺身較細片，但鮮甜，咁都好嘅唔會嘥嘢，唔夠食可以再點過。壽司都好多款，我揀選咗幾件，都唔錯。炸物，串燒方面，迷你甜番薯，外脆內粉甜，真係最好食。燒大蝦蝦肉爽口彈牙又易剝殼。燒豬頸肉燒得啱啱好，肉質又嫩又有肉汁，唔會燒到乾𠲜𠲜。特選美國肥牛肉質鮮明，肥瘦均勻，嫩滑唔肥膩又有濃郁嘅牛味。鮮蝦肉鮮甜彈牙，聖子、魷魚、帶子都新鮮。＄198 120分鐘任飲任食，星期一至四仲平＄20，食物有咁多種類，質素又唔差，真係超值抵食。