Video
Read full review
2018-06-05
376 views
係日本就食過omakase，香港就無食過omakase。今日帶屋企人嚟嘗嘗，慶祝父母親節！A1出口直行望左上就見到牌面，好易揾！18:10上去話18:30先開。我地落返去等，同樓下管理員吹下水。佢話好多人食，日日飛機送嚟，話好好食！我地期待入去 選了祥鶴。一嚟到先飲茶 暖毛巾準備食！店員都會細心準備醬油比我地。聽下relax音樂 燈光暗暗，有品嚐既情調。前菜日本海藻酸甜帶醬油味，帶點醋感，好開胃。滑滑好順口，可以一shot過，cool！螺好似食緊海魚，咸海水味道，肉質好爽好實在，正！同埋原隻螢光魷魚，店員介紹師傅原隻燒可以食到魷魚膏！依個非常好味道！爆魷魚膏，橙色既！0腥味，濃濃燒香既味，魷魚頭好軟，魷魚鬚就比較有彈力感。北海道蕃茄好軟身果肉，皮薄爽口，多汁。留意到師傅處理蜆肉刺身時，會dup一dup佢地，提鮮嗎？哈哈，好有趣！北海道珍珠蠔蠔未到，海水味先到！大大既殼，圓圓既肉。肉質好cream好奶滑感覺！上有有層柚子醬，所以一點都唔腥！上身帶子位有口感。食完最下身好甘味，爽呀！之後係酒盗百蝦！發現左你先食花苗再食蝦，好甘花香味，同好夾晶瑩剔透既蝦肉！再加少少好似蝦醬既配汁，好鮮甜美味
係日本就食過omakase，香港就無食過omakase。今日帶屋企人嚟嘗嘗，慶祝父母親節！A1出口直行望左上就見到牌面，好易揾！18:10上去話18:30先開。我地落返去等，同樓下管理員吹下水。佢話好多人食，日日飛機送嚟，話好好食！我地期待入去 選了祥鶴。
一嚟到先飲茶 暖毛巾準備食！店員都會細心準備醬油比我地。聽下relax音樂 燈光暗暗，有品嚐既情調。
前菜日本海藻酸甜帶醬油味，帶點醋感，好開胃。滑滑好順口，可以一shot過，cool！
螺好似食緊海魚，咸海水味道，肉質好爽好實在，正！
同埋原隻螢光魷魚，店員介紹師傅原隻燒可以食到魷魚膏！依個非常好味道！爆魷魚膏，橙色既！0腥味，濃濃燒香既味，魷魚頭好軟，魷魚鬚就比較有彈力感。北海道蕃茄好軟身果肉，皮薄爽口，多汁。
留意到師傅處理蜆肉刺身時，會dup一dup佢地，提鮮嗎？哈哈，好有趣！
北海道珍珠蠔蠔未到，海水味先到！大大既殼，圓圓既肉。肉質好cream好奶滑感覺！上有有層柚子醬，所以一點都唔腥！上身帶子位有口感。
食完最下身好甘味，爽呀！
之後係酒盗百蝦！發現左你先食花苗再食蝦，好甘花香味，同好夾晶瑩剔透既蝦肉！再加少少好似蝦醬既配汁，好鮮甜美味！最後連青檸 花 蝦食，酸酸清新！
真雕白子係鯛魚精囊，好大膽嘗試！
底係柚子海帶，好好味。因為又甜又有果味，所以味道好出。有燒一燒，嘩！爆海水味，好濃好濃，內部既汁係好嫩好嫩。食完重海洋味到不得了，食返口柚子海帶中和返，準備好下一道。
自家牛蒡多汁，多多木魚，好好既小食。仲有新鮮芥辣準備嚟啦！新鮮芥辣有果蓉子，少辣但好豐富既香味。
刺身好脆口既粒螺！完全淨食，食原汁原味！
平政魚似油甘魚，好厚，清味為主！
金目鯛
火炙過，所以魚油脂比較重口！魚皮位幾吸引！
鰹魚有芝麻 香葱 酸檸汁，依個有點濃煙味咁，嗯，普通不過不失，可以原味更好。
紫菜燒帶子
超大粒帶子，外熟內生，完美鮮甜！紫菜都仲脆，無林哂！
魚肝
少少辣蘿蔔同蔥，魚肝油份好足，好甘好甜。好好食，點柚子汁既味道無咁濃！
蒸鮑魚
有無忘我花，很美的意思。底有菇，菇榚咁，菇味藏住了。凍鮑魚好實淨咁，將鮑魚味冰封，係口才暖和回流鮮甜味。再食酸薑準備下一道菜。
壽司烏貝壽司微腥，肉質爽脆。
深海池魚壽司一咬就開，新鮮！
池魚壽司就嗲啲咁既肉，弱軟啲，醋醬油飯。
喜之次壽司是深海魚，火炙過，皮脆了。肉質好厚，最油感既一隻魚。
蝦壽司好大隻，以為好清淡，點知好甘香。
深海壽司枕，分怖在魚側同背，油份唔多咁。有花香味咁既，點解？唔理啦，都唔錯唔會鬆肉。
拖羅壽司
Nice get，油脂主導。
北海道馬糞海膽最好食係依個，凍凍地，帶有酒味感覺！超新鮮飽滿，超甜，讚！
三文魚籽配吞拿魚肉飯有少少香蔥，飯好痴。三文魚籽淡淡飯爆油，芥辣係為佢地提鮮！比例非常好，近乎1:1:1，不得了！
七種鯛魚湯，熱氣騰騰，咸咸地暖胃。豆腐好滑好有豆香。有少少芫茜但不過分。
柚子雪芭士多啤梨好多汁，食用玫瑰花香香的。柚子肉都有，幾正！
食左3小時45分鐘！Omakase日文意思是お任せ，中文意思係信任，英文係uptoyou，即表示任由廚師自選菜式。今餐係香港omakase既初體驗都不錯，開發了我地再去食！
Post
